दोन्ही आरोपींना 18 जून पर्यंत पाच दिवसाची पोलीस कोठडी
अर्जुनी मोर. दि. 13 जुन : इन्सटाग्राम वरून झालेल्या प्रेमाने पतीची गळा आवळून हत्या केली आहे. ही घटना गोंदिया जिल्ह्याच्या अर्जुनी मोर तालुक्यात घडली आहे. प्रेमी व प्रियशिला पोलिसांनी ताब्यात घेतले आहे.
मृतक मेघशाम कुंडलिक भावे वय 42 वर्ष रा. ईसापुर तर आरोपी पत्नी वैशाली मेघशाम भावे वय 32 वर्ष रा. ईसापूर, दुसरा आरोपी प्रियकर तेजेराव भुजंग गादगे वय 22 वर्ष राहणार बिलोली जिल्हा नांदेड दोन्ही आरोपींना अटक करून दिवाणी न्यायालय सडक अर्जुनी आज 13 जुन रोजी हजर केले असता दोन्ही आरोपींना 18 जून पर्यंत पाच दिवसाची पोलीस कोठडी दिली आहे.
आरोपी वैशाली भावे हिचे इंस्टाग्राम वर तेजराव भुजंग गादगे यांचे सोबत दोन वर्षापासून ओळख आहे. त्यानंतर ओळखीचे रूपांतर मैत्री व प्रेमात झाले. तेजेराव हा अधून मधून वैशालीला भेटण्यासाठी ईसापुर येथे यायचा, सदर प्रियकर हा पिकप चालक आहे.
मृतकाच्या पत्नीला सासू- सासरे व पती सोबत राहायचं नव्हतं तिला वेगळे राहायचे होते. त्या मुळे तिने 11 जून रोजी म्हणजे घटनेच्या दिवशी प्रियकर आरोपी सकाळी ईसापुर गावात आला. प्राप्त माहितीनुसार महिलेने त्याला बोलावून घेतले होते. रात्री घरा मागचा दरवाजा उघडा ठेवला होता. अशात तो रात्री मृतकाच्या घरी गेला. रात्री अंदाजे बाराचे सुमारास दोघांनीही गळा आवळुन मृतक मेघशाम भावेचा खून केला. हत्तेचा कट रचून मारण्यात आल्याची माहिती पोलिसांनी दिली आहे.
घटना करून आरोपी प्रियकर रात्री निघून गेला. गोपनीय माहितीच्या आधारे अर्जुनी मोरगाव पोलिसांना आरोपी पुसद येथे असल्याची माहिती मिळाली. लगेच अर्जुनी मोरगाव पोलिसांनी पुसद पोलिसांना कळवून प्रियकर आरोपीला ताब्यात घ्यायला लावले. यानंतर अर्जुनी मोरगाव येथील पोलीस पथक पुसदला रवाना करून आरोपीला बारा तासाचे आत ताब्यात घेऊन अर्जुनी मोरगावला आणले.
दोन्ही आरोपीवर कलम 302, 120 ( ब ) भांदवी अंतर्गत गुन्हा दाखल करण्यात आला आहे. मा. न्यायालयाने दोन्ही आरोपींना पाच दिवसाची पोलीस कोठडी दिली आहे. जिल्हा पोलीस अधीक्षक निखिल पिंगळे, सहाय्यक पोलीस अधीक्षक नित्यानंद झा. उपविभागीय पोलीस अधिकारी विवेक पाटील यांचे मार्गदर्शनाखाली पोलीस निरीक्षक विजयानंद पाटील तपास करीत आहेत.
